గణపురం గుళ్ళు
గణపురం గుళ్ళు, లేదా కోటగుళ్ళ గురించి ఇదివరకు రాసినా మళ్ళి ఒకసారి తెలుగులో రాయలనుకున్న. ఇవి వరంగల్లు జిల్లలో ములుగు మండలం ఘనపుర్లో వున్నవి. ఈ మధ్య కాలంలోనీ ఇవి బాగా వెలుగులోకి వచ్చనయి, ముఖ్యంగా కాకతీయా ఉత్సవాలపుడు ఇక్కడ కూడ కొన్ని కార్యక్రమాలు జరిగినయి.
 |
| 15-16 శతాబ్దంలో అప్పటి తురక రాజు గణపేశ్వరాలయము, అక్కడి శిల్పసంపదను ధ్వంసము చేసిండు.
|
కాకతీయులు కళాపోషనకు, వైభవానికి గుర్తుగా వేయి స్తంభాల గుడి, రామప్ప గుడి తో పాటు కోట గుడులు కూడా విలసిల్లుతాయి. కోటగుడులు - 22 గుడుల సముదాయము ఓ మట్టికోట ఆవరణలో వుంటాయి. చాలా వరకు శిథిలాలె, మట్టికోట గోడ.
ముఖ్య ఆలయము ఒక్కటే ఓ తీరుగ వున్నది. దానికి కూడ గర్భ గుడి పైన సరైన కప్పు/గోపురము లేదు. ఓకే ఒక బక్క పూజారి మాత్రము అక్కడ వున్న లింగ స్వరూప శివునికి దీప ధూప నైవేద్యాలు అర్పిస్తున్నడు. పండగలనాడు, ముఖ్యంగ శివరాత్రి నాడు మాత్రం పూజలు బాగా జరుగుతాయట.
 |
| సామాన్యంగా అన్ని ఆలయాల్లో నాగదేవత విగ్రహాలు చూస్తం. ఇక్కడ ఈ విగ్రహాలకు పూజలు జరుగుతున్నయి. నూనె దీపంత ఆ డబ్బాలో వుంది.
|
ప్రభుత్వము ఈ ప్రదేశాన్ని పర్యాటక ప్రదేశంగా అభివృద్ధి చేయాటానికి నిధులు ఇచ్చినా పనులు నత్త నడకన సాగుతున్నాయనిపిస్తుంది.
 |
| తురక రాజు కింద షితబ్ ఖాన్ అని పిలవబడిన సీతాపతి రాజు అనే కాకతీయ రాజ్యపాలకుడు శిల్పాలు ధ్వంసం కాకుండ భూమిలో పాతి పెట్టించాడంట
|
ఎన్నో శిల్పాలు మట్టిలో కూరుకఫొయి వున్నయి.
 |
| తవ్వి తీసిపెట్టిన శిల్పాలు అక్కడక్కడ చూడొచ్చు
|
కొన్ని చిన్న గుడులలో,అక్కడక్కడ సున్నపు సంచులు వున్నయి.
చుట్టు పక్కల నేను వెళ్ళినప్పుడు గడ్డి పిచ్చి మొక్కలు చాల ఏపుగా పెరిగివువున్నయి.
 |
| అందమైన చెక్కడాలతో శిథిలమైన స్తంభం |
పరిసరాలు మండపాలు అన్ని శుభ్రం చేస్తే, దగ్గరలో వున్నా పర్యాటక శాఖా వారి హోటలు బాగా నడిస్తే, ఈ గుడులు చక్కని దర్శనీయ స్థలము కావటము, పర్యాటకులు ఒక పూట అక్కడ ప్రకృతి అందాలు ఆస్వాదిస్తూ ఆనందంగా సంతోషంగా గడపవచ్చు
 |
| కాలిలో ముళ్ళు తీసుకునే యువతి శిల్పాన్ని కొద్ది తేడాతో రామప్పలో కూడ చూస్తం |
 |
| కుడ్యలఫై అందంగా చెక్కబడ్డ స్త్రీ, పురుషుల శిల్పాలు |
 |
| ఇక్కడ కనిపించే శిల్ప విన్యాసాలు పేరిణి నృత్యాన్ని గుర్తు తెస్తాయి |
 |
| అందమైన చెక్కడాలతో కుడ్యం |
 |
శిథిలమైన అందాలను మరో తురక రాజు నిజాం రాజు కాలంలో పురావస్తు శాఖ వారు ఈ గుడులను వెలుగులోకి తెచ్చారు
|
No comments:
Post a Comment