నోటు-పోటు

రూపాయి బిల్ల వచ్చి

రెండు వేల నోటుని వెక్కిరించినట్టు!

వేలల్లో కోట్లున్నాయ్! ఏం లాభం? 

వంద నోట్లు లేకపాయె!

వందకు చిల్లర లేనమ్మ

రెండు వేలకిస్తనన్నదట!

బాంకులో లక్షలు కోట్లున్నయ్,

కస్టమర్ అడిగితె వందలు లేవు!

అడుక్కుంటోడైనా వెయ్యి వద్దంటుండు,

రూపాయి బిల్లె ముద్దంటుండు!

అడుక్కునే వాడి బొచ్చెలో

రూపాయి తళతళా మెరుస్తుంది

షావుకారు సందూకులో వెయ్యి నోటు

వెలవెలా పోయి దాక్కుంది!

ఐదు రూపాయల ఛాయ్ తాగి

రెండువేల చిల్లర అడిగినట్టుంది!

ఎక్కడైనా బాయ్ ఫ్రెండ్ కాని

ఎ.టి.ఎం. దగ్గర మాత్రం కాదు!

ఎ.టి.ఎంలు ’ఔట్ ఆఫ్ ఆర్డర్’,

బాంక్ లో ’నో కాష్’

కొనేదెట్లా? తినేదెట్లా?

ఎ.టి.ఎం. లైన్లో నిలబడంగనె

చేతిలో డబ్బులు పడట్టు కాదు

వేయి నోట్లు కోట్లు ఇస్తా కాని

వంద నోట్లు మాత్రం అడక్కు

చిల్లరని చిన్న చూపు చూడకోయ్,

ఏ నోటు ఎప్పుడు రద్దౌతుందో తెల్యదోయ్

కాలం ఒక్కలా వుండదు  

పచ్చనోట్లు పోయి

గులాబి నోట్లస్తయి

గులాబి నోట్లు పోయి

మరో కొత్తవస్తవి

అశాశ్వత జీవితంలో

ఏ నోటు మాత్రం శాశ్వతం?