అడవి బిడ్డవు నీవు సమ్మక్క
అడవిలో పుడ్తివి సమ్మక్క
అడవిలో పుడ్తివి సమ్మక్క
అడవిలో నిలిస్తివి సమ్మక్క
ప్రజలంత నీవాళ్లె సమ్మక్క
ప్రజలంతా నీవాళ్లె సమ్మక్క
ప్రజలకోసం నీవు సమ్మక్క
ప్రభువులతోనే పోరాడావు సమ్మక్క
ముక్తికోసం సమ్మక్క
విముక్తికోసం సమ్మక్క
భుక్తికోసం సమ్మక్క
భూమికోసం సమ్మక్క
ప్రభువులతో నీవు సమ్మక్క
సమరము చేస్తివి సమ్మక్క
మా భూమి మాదేనని సమ్మక్క
నీవు రణమే చేస్తివి సమ్మక్క
ప్రజల కోసం సమ్మక్క
ప్రాణాలే ఇస్తివి సమ్మక్క
అడవిలో శక్తివి సమ్మక్క
ఆదిపరాశక్తివె సమ్మక్క
అడవి బిడ్దవు నీవు సమ్మక్క
ఆరాధ్య దైవానివి సమ్మక్క
**********************
అమ్మలకు మొక్కరా, తమ్ముడా!
అడవి తల్లులకు, మొక్కరా!
తల్లిబిడ్డలు అడవిబిడ్డలు
పోరుగడ్డపై ఓరుగల్లు రాజుతో
పోరాడినారు తమ్ముడా,
ప్రజల గుండెల్లో దేవతలై
వెలసినారు తెలుసుకోరా.
రాచరికాలు పోయినా
రాజకీయాలున్నాయిరా
బక్కోడికి బుక్కెడు బిచ్చమేసి
కోట్లు దోచుకుంటున్నారురా
ప్రాజెక్టులంటు ప్రజలనే
ముంచేస్తున్నారురా
ప్రగతి అంటు ఊళ్లనే
బొందలు చేస్తున్నారురా
చెట్టు చేలని తుడిచి పెట్టి
విషవలయాలనే సృష్టిస్తున్నారురా
బడుగు జీవుల భవితనే
బజారుపాలు చేస్తున్నారు, తెలుసుకోరా.
ఆత్మగౌరవంతో బతకాలంటె తమ్ముడా,
పోరుచేయక తప్పదురా
అమ్మలనే మొక్కరా, తమ్ముడా
వారి శౌర్యాని తల్చుకొని
వారసత్వాన్ని అందుకొని
అడుగు ముందుకెయ్యరా తమ్ముడా
జయము నీ సొంతమే తెలుసుకోరా.
No comments:
Post a Comment