నూతన సంవత్సర శుభాకాంక్షలు
2014 మరి కొద్ది సేపట్లో ముగుసిపొతుంది. మరి కొత్త సంవత్సరము మొదలు కాబొతుంది. కాలము నిరంతరమైంది. ప్రతిరోజు కొత్తదే. ప్రతిక్షణము మళ్ళి రానిదే. కాని ఎప్పుడొ ఒకసారి కూర్చోని మనము చేసినదాని గురించి, చేయాల్సిన దాని గురించి, దాని మంచి చెడ్డలు సింహవలోకనము చేయడానికి ఓ సందర్భము కావాలి. కొత్త సంవత్సరము, పుట్టినరోజు అందుకు ఎంతో సముచితము.
యువత కొత్తసంవత్సరాన్ని ఆహ్వానించటము రాన్రాను ఆడంబరంగా జరుగుతుంది. ఈ జరుపుకోవడములో అదుపు తప్పిన ఆటపాటలు, మద్యపానము ఎక్కువైతుందె తప్ప కొత్తగా ఓ వ్యక్తిలో ప్రగతి, క్రమశిక్షణ, సదాచారం వైపు ఓ అడుగు ముందుకు పడటము తక్కువగా జరుగుతుంది. రాత్రి పన్నెండింటివరకు రకరకాల కార్యక్రమాలు చూడటము, మద్యము సేవించి, పన్నెండింటికి "హాప్పి న్యూ ఇయర్ " అంటు బిగ్గరగా అరుస్తు రోడ్ల మీద పడటము మళ్ళి తెల్లారి జీవితము యథాతథంగా సాగించటము! ఏదో సాధించాలనుకున్న వాళ్ళు కొద్ది మంది కొన్ని చక్కటి నిర్ణయాలు తీసుకోవటం, అందులో కొన్నైనా అమలు చేసి సాధించాలనుకున్నవి కొంతవరకైన సాధించటం చాల సంతోషించ దగ్గ విషయము.
2015 సంవత్సరము అందరిలో మానవత్వపు విలువలు పెంచాలని, అందరి జీవితాలు ఆరోగ్యంగా, ఆనందంగా వారు కోరుకున్న గమ్యాని చేరుకోవాలని కోరుకుంటున్నాను.
నేను 1979 ఇలా ఆహ్వానించాను. ఇప్పుడు కూడా 2015ను అట్లాగే అహ్వానిస్తున్నాను.
ఓ నూతన వత్సరమా!
రా! రా! రా!
ఆశలు నిండిన హృదయముతో
ఆశయాలు పండిచుకునే తలపులతో
ఆహ్వానిస్తున్నాను నిన్ను
రా! రా! రా!
ఓ నూతన వత్సరమా !
వస్తు వస్తు నీవు
ఏం తెస్తున్నావు?
అడగాల్సిన పనిలేదులే
తెస్తావు నీవు
అందరికోసం ఆన్ని
అందుకునే సామర్థ్యము
ఎందరికున్నదో మరి!
పట్టుదల పన్నీరుతో
కడుగుతాను నీ పాదాలు
వివేకమనె పీటపై
కూర్చుండజేస్తాను నిన్ను
చురుకుదనమే నైవేద్యమిచ్చి
నీ పూజ చేస్తాను
నా జీవితాలయములో
దేవతగా నిలుపుకుంటాను నిన్ను.
రా! రా! రా!
ఓ నూతన వత్సరమా!
రా!రా! రా!
No comments:
Post a Comment