HuMean

మృగజాతి 

 అమ్మ, అమ్మలగన్న అమ్మ 
ముగ్గురమ్మలకు మూలపుటమ్మ
ఆది పరాశక్తి అమ్మ 
అనంత విశ్వములో అంతర్లినమైన ఆదిశక్తి అమ్మ
ఊరూరికి అమ్మ - పోశమ్మ, మైసమ్మ, పోలేరమ్మ .....
ఇంటింటికో దేవత - బాలమ్మ, ఎల్లమ్మ .....
ఆకలైతే అన్నపూర్ణమ్మ
ఆవేదనలో అలరించే అమ్మ
దేవుడైన అమ్మ కడుపున పుట్టాల్సిందే
కడుపులో తన్నినా
ఒడిలో లాలించి పాలిచ్చి పెంచే అమ్మ.

అమ్మనే ఆడదని  ఆటబొమ్మని చేసి
అంగడి బొమ్మగా మారుస్తున్నరమ్మ
కడుపులోనే చిదిమేస్తున్నారు
బతికి బట్ట కడితే
నడి రోడ్డులో బట్టలూడదీసి
రాక్షస క్రీడలతో కాలరాస్తున్నరు
అంతం చూస్తున్నరు.

మృగజాతిలో మగాడవు
ఘనుడవు నీవైతే
నిను కన్నతల్లి అఖిలాండేశ్వరి
ఆడదానిలో నీ తల్లి
నీ ఆలిలోను వుంది నీ పిల్లల తల్లి
మానవ జీవితం మమతత్వమని మరిచిపోతే
మానవ జాతికి మనుగడే లేదు, మనుగడే లేదు.

Political drama

కాంగ్రజకీయాలు 

ఓ నాయకుడు కాంగ్రెసును వదిలి కొత్త పార్టీ పెట్టుకొని జైల్లో  వున్నాడు.
 మరొక నాయకుడు పెట్టుకున్న పార్టీని కాంగ్రేస్సులో కలిపి  కేంద్ర మంత్రి అయ్యాడు.
 జైల్లో వున్నవాడు సెల్ ఫోనులో రాజకీయాలు నడిపిస్తున్నాడు  అంటే 
అది ఎవరి వైఫల్యము?  ఇది ఎవరిని నిందించటము?
 ఎవరిదీ సర్కారు? ఎందుకీ సహకారం?
రాజకీయాల్లో ఎత్తులు, జిత్తులు, గమ్మత్తులు ఎన్నో ఎన్నెన్నో.
      

Bitter Pill

చేదు మాత్ర 

ఆరోగ్యం బాగుండాలంటే కొన్నిసార్లు చేదు మాత్రలు తప్పదట.
 సో, దేశ ఆర్థికస్థితి  మెరుగు పరచటానికి కఠిన నిర్ణయాలు తప్పదట.
తెలంగాణా విషయానికి వస్తే మాత్రం రాష్ట్రం ఏమై పోయినా
రావణకాష్టమైన ఎలాంటి నిర్ణయాలు తీసుకోలేరు.
నోట్లు ఇచ్చే వాళ్ళను కాదంటే వోట్ల పండగలను
ఎల్లదియలేమని భయమా?
పవర్ కోసం ప్రజలకు చేదు మాత్రలు మింగించుటలో
రాజకీయ నాయకులు వారికి వారే సాటి. 

uppu-pappu/ration

ఉప్పు - పప్పు

 

 

గౌర్మెంటు పేదోల్లకు తొమ్మిది దినుసులు తక్కువ ధరకు ఇస్తుందట.
కిలో - కందిపప్పు, ఉప్పు,గోధుమలు,చింతపండు
లీటర్ పామాయిల్
అద్దకిలొ  - శక్కర , కారం, గోధుమపిండి
పసుపు వంద గ్రాములు.
గోధుమలు, గోధుమ పిండి ఎందుకు?
మొత్తం గోధుమలో గోదుమపిండో  ఇవ్వోచు కదా.
చింతపండు, ఉప్పు కిలో కిలో ఎందుకు?
కూరగాయలు కొనే పరిస్థితి లేదని, ఉప్పు పులుసు తినాలనా?
అసలే డాక్టర్లు ఉప్పు ఎక్కువ వాడోద్దో అని మొత్తుకుంటరు .
పావుకిలో ఉప్పు, కారం ఇచ్చి, కాస్త పప్పేక్కువ ఇస్తే
కొంచెం నయం కదా. శక్కర ధర బాగాపెరింగిందంటే
మంచిదే కదా, తక్కువ చక్కర తింటే షుగర్ బీమారి
రాకుండా వుంటదని ఓ పెద్దమనిషన్నాడు.
మరి ఇప్పుడున్న పరిస్థుతుల పెరిగే BP సరిపోదనా
కిలోల కొద్ది ఉప్పు ఇచ్చుడు?
సింపులుగ చెప్పాలంటే మనిషికి రోజుకి
200గ్రా గోధుమలు-పిండి /బియ్యము , వో చటాకు
(50గ్రా ) పప్పు, అద్ద చటాకు నునె, వో చెంచాడు ఉప్పు,
అంతకంటే తక్కువ కారం కావాలి. 
వాళ్లు ఇచ్చేవి ఎన్ని రోజులకు సరిపోతాయి?
అయిన నా డౌటు, అవి తెచ్చుకోని  వాళ్లు తింటారా
లేక ఏ హోటల్ వాళ్ళకో, పశువుల దానకో అమ్ముకుంటరా !


 

గులాబీలు అంటే అందరికి ఇష్టమే.
కాని వాటి పక్కనే ముళ్ళుంటాయి .
జాగ్రత్తగా ఉండకపోతే గుచ్చుకుంటాయి.
జీవితములో  కూడ సంతోషము, సౌఖ్యము కావాలంటే
కాస్త కష్టపడక తప్పదు.