News - Views

వార్తలు - విశ్లేషలు : మనుషులేనా?
"ఇవ్వాల న్యూస్ చూసినవా?"
"ఏమి న్యూస్?"
"అదే..ముంబైలో..."
"అవన్ని నీకెందుకు?"
"ఇది అన్యాయం కదా. ఘోరం కద.  అసలు ఆడవాళ్లకు
రక్షణే లేకుండ పోతుంది."
"రక్షణ ఏవరికి వుంది చెప్పు.  ప్రతి రోజు దోపిడి హత్యల
గురించి వింటలేమా"
"అవుననుకో.  నిర్భయ కేసు తర్వాత అంత గోడవైంది కదా.
ప్రపంచమంత తెలిసింది.  అందులో ఒకడు చచ్చిండు.  ఫాస్ట్
ట్రాక్ అన్నరు.  ఇంకేమైందో తెల్వదు.  దేశముల మాత్రం ఈ
రేపులు ప్రతిరోజు వింటనేవున్నము."
"రేపులు ఎప్పుడు లేవని?  రామాయణ, భారత కాలముల నుండి
నడుస్తనే వున్నయి."
"నువ్వేదో చెప్తవ్.  మరీ ఈ మధ్యే ఈ గాంగ్ రేపులు ఎక్కువైనై."
"అవును.  అమ్మాయిలు ఇదివరకులాగ లేరు కద.  తెలివితేటలు
ధైర్యము ఎక్కువైనయి.  కొట్లాడుతారు కద.  అందుకని ఒక్కరితో
కాదని ముగ్గురు నలుగురు కలిసి, కొట్టి భయపెట్టి చేస్తరు.  లేక
పోతె అది సాధ్యం కాదుకద."
"ఎదురు తిరుగుతరని అట్ల చేస్తరంటవా? అంటె ఎదురు తిరుగొద్దంటవా"
"అరే, నీకు కోపమెందుకు.  విషయం చెప్తున్నా.  ఎదురు తిరుగాలి, కొట్టాలి.
కుదిరితే దగ్గర ఎప్పటికి ఒక చాకు పెట్టుకొని చంపడానికి సిద్ధంగా వుండాలి.
తన ప్రాణం మీదికి వచ్చినప్పుడు చంపటములో తప్పులేదు."
"అంటె ఇంట్లో నుండి కాలు బైటపెడుతున్న అమ్మాయి వెంట చాకు తీసుకు
పోవాలంటవ్."
"తెలివైన అమ్మాయి సమయస్ఫూర్తి, పెప్పర్ స్ప్రేతో  కూడ ప్రమాదాన్ని
తప్పింకోవచ్చు."
"మరి చిన్నపిల్లల గురించి ఎట్లా?"
"పిల్లలకు తల్లిదండ్ర్లులె జాగ్రత్త చెప్పాలె.  కొత్తవాళ్ళ దగ్గరకు అసలె వెళ్లొద్దని
ఏమి ఇచ్చినా తీసుకోవద్దని చెప్పాలె.  తెలిసిన వాళ్లతో కూడ ఇంట్లోవాళ్ళు
లేకుండా కలిసి వెళ్ళోద్దని చెప్పాలె.  చిన్నపిల్లలను ఉత్తనె భయపెట్టొచ్చు.
పిల్లలు భయముతో ఏడవటము తప్ప ఎదురు తిరుగలేరు.  అయినా కూడ
రేపిస్టులు, పిల్లలు కాని పెద్ద్లలు కాని, వాళ్ళ నేరాన్ని బైటకు చెప్తారనుకున్నప్పుడు
చంపేస్తారు.  వాళ్ళు చెప్పరనుకున్నప్పుడో, లేదా చట్టమంటే అసలే భయము,
లేకపోతెనో, లేదా తాము చాల పెద్దవాళ్ళు కాబట్టి తమను ఏ న్యాయము,
చట్టము ఏమి చేయదని ధైర్యమున్నవాళ్లు చంపకుండా వదిలేస్తరు.
చిన్నపిల్లల్ను సామాన్యంగ ఒక్కడె రేపు చేయడముంటుంది."
"అసలు ఈ రోజుల్లో న్యాయము, చట్టము ఏమైనా పని చేస్తున్నయంటవా.
ఎమ్మెల్యేలు, ఎమ్పీలు సగానికి సగమంది గుండాలు, దొంగలు, డాన్లే వున్నారు.
వాళ్ళ మీదనే బోలేడు కేసులున్నయి.  ఇవన్ని చూస్తుంటే ఆడపిల్లలను కనక
పోవడమే మంచిదనిపిస్తుంది."
"అట్లనకు.  అప్పుడు కూడ తక్కువ మంది ఆడావాళ్ళుండటముతో అట్లా కూడ
ప్రాబ్లమ్ ఎక్కువె అవుతుంది.  కాకపోతె చిన్నప్పటి నుండి అబ్బాయిల పెంపకములో
ఎక్కువ శ్రద్ధ పెట్టాలి.  మగవాళ్ళు కాబట్టి ఏం చేసినా చెల్లుతుంది, అనే భావము తీసెయ్యాలి
చదువుతో పాటు మానవత్వము, ఆడవాళ్ళని తోటి మనుషులుగా గౌరవించడము నేర్పాలె."
"అంతేనా?  లా &  ఆర్డ్రర్ స్ట్రిక్ట్ గా వుండాలే.  నేరస్తులు ఎవరైనా కేసు తొందరగా పూర్తి చేసి,
శిక్ష తొందరగా పడెటట్లు చూడాలె.  శిక్షలు అన్ని ఛానల్లు, పేపర్లు బాగ ప్రచారము చేయాలి.  
రాను రాను ఆడోళ్ళ బతుకులు అధ్వాన్నమౌతున్నయి.  పశువుల్లాగ ప్రవర్తించె వాళ్ళకు
మనుషుల మధ్య వుండె హక్కు వుండదు.  రేపిస్టులు ఎవరికైనా మినిమం యావజ్జీవ శిక్ష
వేయాల్సిందే.  తప్పనిసరి కేసుల్లొ మరణశిక్ష వేయ్యాలే.  పక్కవాడి ప్రాణాన్కి విలువివ్వని వాడికి
బతుకె హక్కు ఎందుకుండాలి?"
"సరెలే. ఆడపిల్లలు తప్పనిసరిగా చదువుకొని, ఆర్థిక స్వావలంబన, ఆత్మస్థైర్యము పెంచుకొవాలే.
సెల్ఫ్ డిఫెన్స్ కోర్స్ లో  చేరి కొట్లాడే శక్తి, సమయస్పూర్థి పెంచుకోవాలె.  రోడ్డు మీదకెళ్తే  
ఆక్సిడెంట్ కుఎట్లా అవకాశముందో అట్లాగె ఇవ్ టీజింగ్ కు, రేపుకు అవకాశముంటుంది.
ఎప్పుడైనా అప్రమత్తంగా వుండక తప్పదు."
"ఇట్లా రేపు చేసెటోల్లు అసలు మనుషులేనా."
"కాదు.  కాని అందరు పశువులు కాదు కదా.  దొంగతనాలు, దోపిడీలు, హత్యలు జరిగినట్టె
రేపులు కూడా జరుగుతుంటయి."
"అన్నిటికంటె రేపు హేయమైంది కాదా?  జీవాతంతము మనిషిని కుంగదీస్తుంది కదా."
"కరక్టె.  జీవతములో ఎన్నో ప్రమాదాల్లో ఇది కూడ ఒకటి.  ఇట్లాంటివి జరిగినప్పుడు
కుటుంబము, సమాజము, ప్రభుత్వము ఆ స్త్రీకి అన్ని విధాలుగ అండగా నిలువాలె."
"ఎంతైనా లా స్త్రిక్ట్ గా వుండి శిక్షలు వెంటెనె పడితేనె ఈ నేరాలు తగ్గుతాయి.  మగవాళ్ళు
ఆడవాళ్లను ‘చీజ్ బడీ మస్త్, మస్త్ ’ అనుకోకుండా వ్యక్తిగా గౌరవించటము నేర్చుకోవాలె"
"అవును"